ديوان شعري لـسعد بن جدلان الاكلبي .سعد بن جدلان.شعر الاكلبي

ديوان شعري لـسعد بن جدلان
الاكلبي .سعد بن جدلان.شعر الاكلبي

اخواني اخواتي
..
أسعد الله أوقاتكم بكل خير.
اعرض لكم هذا الموضوع وهو عبارة عن (( ديوان شعري لـ/ سعد بن جدلان الاكلبي ))
واليكم القصائد
القصيده الاولي
تسمى درة القصائد لبن جدلان

الا ياالله ياللي تحـت هيبـة سلطنتـك اسلمـت
لك المسلم يسبح لك بحمـدك ولـك الاسلامـي

احمدك واشكرك واثني عليك بما علـي انعمـت
تزودني وفا قـدر العشيـر ووصـل الارحامـي

ولجك الفجر ياليل الذهول اللـي علـي اضلمـت
بعرضك واقع الماضي بعيني عـرض الافلامـي

ولهتك يالنديم اللي على صافي وفـاك اضرمـت
بصفحة ذكريات العام واللـي مـن ورا العامـي

بعد تقرير مشوار التجـارب نجحـك واجزمـت
بان السيف سيفي والعصـا والمحـزم احزامـي

عطتني عزلة اخلاصي معك نسيان مـن نادمـت
كتبتك وانطوت صحفي عليك و جفـت اقلامـي

اباهـي لا ابالـي واتبيسـط كــل ماقـدمـت
اشـب النـار قـدام العـرب واشيـد اخيامـي

نهاري حر شمسه يستحي منها لسـان الشمـت
وليلي ترقب نجومـه ملامـة كـل مـن لامـي

على ضو الكلام اللي كشف عنا ستـار الصمـت
عرفت اني تحت برق الامل في روض الاحلامي

احسب انك تيمم با اتجاهـي ويـن مـا يممـت
واثر ما انت بورايه في الطريق ولانـت قدامـي

مصيبه لاتدنت قيمتك فـي عيـن مـن قيمـت
يشوفك بالسهل وانته تشوفـه بالسمـا السامـي

كثر ماحن قلبي للونيـس وكثـر مـا درهمـت
فجر صدري حنينـي واتعـب الاقـدام درهامـي

عيون الصد وعيون التجافي حول مهما اكرمـت
تشـوف المجتهـد كسـلان والبنـاي هدامـي

مدام ان جانبك شام لجنابي وانت عنـي شمـت
كثر خيـرك وانـا مانيـب لاجايـع ولاضامـي

اشوف انه علي واجـب ليـا مريتكـم سلمـت
مرور اكرام تربطـه الكرامـه عنـد الاكرامـي

على شان الخفوق اللي على عرشه قعدت وقمت
حجب عنك الدجى لين اشرقت لك بيض الايامـي

ختام السالفه ياطيـب العشـره كرمـت ودمـت
هذا حقك علي وحق شرهاتـي علـى اوهامـي

مصير الوقت يشرح لك دروسه وان غفلت ونمت
يصحيك الزمان اللي يصحـي كـل مـن نامـي

تذكرني لامنها خابـت اوهامـك فمـن وهمـت
وشفت الفرق في حب الخشوم وحـب الاقدامـي

القصيده الثانيه

يالله ياللي بيدك الرزق وادراجه
افتح لنا أبواب رزقك لا تخيبنـا

فاحت علينانسيم المسك زعّاجـه
والمسك جتنا ذعاذيعـه وطيّبنـا

برق الحيا يجذب المسني تليعاجه
وإلي جذب غيرنا للبرق جاذبنـا

جينا يا سلطان ابوخالد لناحاجـه
ولولا الرجا فيك مازاعت ركايبنا

جينا إل ليثٍ يلوح الطيب بحجاجه
نشكي على الله و نشكيله متاعبنا

نلح بقعا بليـا كـور و حداجـه
حتى طويل المدى فضّا مزاهبنـا

نستربيوت الندا عن كل هرّاجـه
كنوزنا الصبر والشيمه رواتبنـا

حتى لحقنا ضعافة وقت حواجـه
ضعا فتٍ عند مثلك مـا تعذربنـا

وجينالبيتٍ رفيع الساس وادراجه
ما هو مباني زجاجٍ توهـا تبنـا

كلٍ يروح ويجي و يعد ما واجـه
واليوم حنّا عيالك وانت شايبنـا

وإسلم عدد مايهيج البحربامواجه
وإقبل تحية ضيوفـك يامعزبنـا

القصيده الثالثه

في سمو سيدي الامير سلمان بن عبدالعزيز حفظه الله

بسـم رحمـن ٍ رحيـم نعبـده و نستعيـنـه
بالنوايـا نيتـه تبطـل حقايـق كـل نـيّـة

بالربوبيـة و بالشـان العظـيـم موحديـنـه
الرقيـب المطلـع فالبينـات و فـي الخفيّـة

لا مفرٍ من قضـاه و لا هـروبٍ مـن يقينـه
و لا حمايـة للحصـون إلا حمايتـه القويّـه

يا بنات الفكر هاتـي لـي نـوادرك الثمينـة
في نبا سلمان بن عبدالعزيـز أمشـي جريّـه

في سنام طويق يزرع لك من الياقـوت عينـه
في زاد و فيه شرب و فيه كـن و فيـه فيّـه

جودته تغني الفقارى و ارجـحٍ خطـلاً يمينـه
لطمته تعمي عـداه و نفـح جـوده مسفطيّـه

طول الله في بقـاه و مـدد الله فـي سنينـه
الخصال الطيبه في شيـخ أهـل نجـد العذّيـه

شايل الحمل الثقيل و معتق النفـس الرهينـه
بالدليـل و طايـع ربــه و متـبـع نبـيـه

يـا ولـد قايـد مسيرتنـا وربـان السفينـه
الزعيم الفيصلي مرسـي الحـدود الفيصليـه

صبح المديون قبـل الفجـر ثـم ارتـد دينـه
قمتـه سـت الركايـب و ار بعيـن بوارديـه

لا يغـدر و لا يخـون و لا يحقـر محاربينـه
يرفع البيرق على وضح النقا و الشمس حيّـه

بعد ما سيطر على الخزان و استولى الخزينـه
صوتوا بالحكـم بيـن مقيبـره و الناصريـه

كانت اقلوب أهلها شتـى و كـلٍ لـه ضغينـه
في جهل و أعمالهم سلب و نهب و عنصريـه

جاتـه الأسيـاد تعطيـه الـولا و مبايعنـيـه
بعد شافوا ضرب أبو تركي و مركاض العبيّـه

كان في الشبه أربعين و كان به عشره بطينـه
فأشهد إن عبدالعزيز الفيصلي مـا فيـه زيّـه

سيدي قدام أجيك القلـب مـا يظهـر كنينـه
أتلـزا بالعـزوم اليـوم و الصبـح و قفـيّـه

و عندكم يا بو فهد تبدا الظواهـر و البطينـه
انتوا اللي بعـد رب البيـت منصـى للشكيّـه

سيدي ترك الحقوق اللازمه مـا هيـب زينـه
خص عند اللي يقول حقٍ علـي و حـق ليّـه

إن بغيت أصد لا الصده عن الماجـوب شينـه
و إن بغيت أجود شحّن المصاري مـن يديّـه

في و جهك و وجه أبوك أو جاه مكه و المدينه
و جاه من صام رمضان و جاه من حج الضحيّه

من قيادٍ عند أخـس النـاس ورّانـا الغبينـه
و الدهر يا كثـر قشرانـه و ياقـل أجوديّـه

يا صلاة الله على من دين أهل الاسـلام دينـه
و السلام و رحمـة الله و بركاتـه و التحيّـه

القصيده الرابعه

البارحـه يـوم الاوادم خواشـيـع
في نومها وناعلى الكـوع واعـي

هم(ن)يمزع سترة القلـب تمزيـع
تقول ينهش ثومة القلـب افاعـي

خذت القلم من بين روس الاصابيع
وحبيت اميز سيرتـي وانطباعـي

عزلت من صدقان عطلةالاسابيـع
وعزلت من ضحك الوجيه الصناعي

وعزلت من بنين بامالي مشاريـع
جميد برد ولانس الشمـس ماعـي

وعزلت من زرع الخلـي البلاقيـع
وعزلت من رفـع الثنيـه رباعـي

من نفعة اللـي ماطلبنـي منافيـع
جميلة(ن)في غير اهلهـا ضياعـي

في اسواقها ماعاد لشري ولابيـع
لخطيت من رفقة طويـل الذراعـي

اللي على الرفقه يسوقـه دوافيـع
هـذاك تشـرى رفقتـه ماتباعـي

امايشجعني على الطيـب تشجيـع
والايعلمنـي حمـيـد المسـاعـي

والا ليامنـه رمعـنـي روامـيـع
وضاقت على كل الفجوج الوساعي

جيته ويسرلي عسيـر المواضيـع
وخلاخفايا خاطـري لـه وساعـي

معرفتـه ماهـي معرفـة طماميـع
ماتنتـج الاالغطرسـه والضياعـي

القصيده الخامسه

الجهاله فـي ابـن آدم توليـه الدبـور
لوطريقه غـادي يحسـب انـه متجـه

عنده ان مامثل شوره مع الاشوارشور
مادرى انه له مزاج وللنـاس امزجـه

يمكن ان تلقى مزاج يبادلـك الشعـور
لو على فلم الشطـاره وفلـم الدبلجـه

واخر المشوار لا حصلت مافي الصدور
كل زور فيـه شوراليـا فـاق اهرجـه

القمر والشمس كنها تسلف منـه نـور
والجبال اتصير تحته خيـول مسرجـه

يحسب ان معه افضليه توليـه العبـور
ان لقاءالملح ازعقه ون لقاءالحلواسمجه

السماء عجزت تنوشه جناحين الطيـور
ماوصلـه الامحمـد ابليلـة معـرجـه

يا ابـن آدم يلعـن الله مختـال فخـور
من تواضع تحت ربـه يعليـه ادرجـه

لجل ماتدخل جهنم على شـان الغـرور
للعرب حاول تواضـع وتعطيهـم وجـه

من لقا عذب المشارب ومثمرة الزهـور
ما قعديغرف من البحرويسوق احدجـه

القصيده السادسه

أنا وين أبلقى يالاجاويـد فاعـل خيـر
حريصٍ على سـرّ المحبيـن لارسلتـه

أناّ لوّ أبصبر عام مابـان بـي تأثيـر
وهالحين حتّى الصبر يومين ما أحتلتـه

أنا مثـل صقـارٍ تولّـع بحـبّ الطيـر
ولف قلبه فـروخ الصورايـم وهبلتـه

تولعّت في فرخٍ قضيـبٍ يتـلّ السيـر
ابيّ نظرتٍ مـن لفتـة الحـرّ وسبلتـه

صغيرٍ بسنّه غير عندي ماهو بصغيـر
يامغـلاه فـي قلبـي وياكبـر منزلتـه

أجمعله سمان الهرج خوفٍ من التقصير
والى جيت ابشرح له كلامـي تهيزلتـه

يجيني منّه هيبه . معزه . سحى . تقدير
اقابلـه عنـدي علـم وأروح ماقلـتـه

القصيده السابعه

ياعيون اللي على المرقب تعـلاّ
مايـرب الا المراقيـب الطـوالا

طرتّك منها غثاء البـال يتجـلاّ
نعـسٍ مابينهـا بيـضٍ تـلالا

تذهل إلّي في جواهرهـا تحـلاّ
واهني من ذاق من ريقـك زلالا

لا وجاه الله ومنّ زكّـى وصـلاّ
مانبيك الاّ على السنّـه حـلالا

مايرّد الجوع شخبٍ في المفـلاّ
ولا يخضّ السعن من ذوده هجالا

أنت غالـي ياوليفـي لا تغـلاّ
يثبت الليّ بيننـا ايـامٍ طـوالا

واللهّ انّي ميسٍ من وصلـك الاّ
فزعةٍ مـن ربنـا جـلّ وتعـالا

أدخل الضولات من شان أتسـلاّ
كود جرح القلب يبرى ويتشـالا

والمجنّب مـن الأوادم مايخـلاّ
لا سلم من شرّ ذولا ..جوه ذولا

القصيده الثامنه

ياوليفـي دمعكـم فـي غيابـي ردّ لـي
وأدري انّ دمعتك خوفٍ عليّ ومن غلاي

أنت ممرضني وأشوف المرض فيكم وفيّ
الهبوب البارده منّك هبّـت فـي حشـاي

والله انّ كبدي عليكم عراويهـا أضمـيّ
والمشارب غير هرجتك ماتقطع ضمـاي

كيف تستغرب بطاي ومجييّ
يـوم أجـيمنك اجيك أبدون رأيٍ وأروح ابدون رأي

ليلي أسهر به والا جاء النهار أشلىشوّي
مـرتٍ أشلـى ومـرٍ يعاودنـي بـلاي

وأنت سبّة كلّ شـي ولا داويـت شـيّ
كيف ياقـادر علـى داي ماتقـدر دواي

بعد مـا شتتـوّ الفكـر وأخليتـو يـديّ
كثرت أعلوم الشماميت وأفرحتو عـداي

مابعد جاني من يوم التقـو بـي والـدي
ولابعد مرّ المحبين مـنّ حـوّاء وجـاي

لوّ خبر به حيّ يبكي على فقـدان حـيّ
كان يمدي من عرفني يشاركني عـزاي

جعل يسقى يوم كان الهوى ماغير غـيّ
فأول الرحلـه مثـل مبتـداك ومبتـداي

القصيده التاسعه

ويش أسوي ياعيون الوحش عنق الغزال
لاحصل طاريك يفتح علـى قلبـي أرواق

لي ثلاث سنين بين الحقيقـه والخيـال
وأخر اشهر ذالسنّه تكمل الرابع غـلاق

شبه وضحاّ فالمخاضير زاويهـا الحيـال
من غلاها عند أهلهـا تبـارى ماتسـاق

تيهّت من صغرها بيـن ثنتيـنٍ هجـال
مهتويها راعيّ البل وعاشقهـا عشـاق

عنديّ إنّك ماخـذٍ تـاج ربّـات الجمـال
سلموّك الحسن من باب صنعاء للعـراق

القصيده العاشره

ياعيون مرقـبٍ فعـل الجدايـر
في صعانين الطوال المستديـره

صاحبك يعطي على شوفك بشاير
ديرةٍ منتو بهـا ماهـي بديـره

من خذا منكم خفيّـات السرايـر
والله انّ يبطي ولعكم في ضميره

لبـةٍ بيـن المعنّـق والزرايـر
مثل شمس الصبح قدّام السفيره

ويتفرشها من الخمري ستايـر
ذيل شقراّ شعشعت قدم المغيـره

جوهرة قارون غاليـة التجايـر
أشهد انّك بهجة العمر الكبيـره

واحدٍ حضّك مع حضّـه يسايـر
شايفٍ القدر فالعشـر الأخيـره

جعل أبو من لامني حمر المناير
في محبّة واحـدٍ مالـي بغيـره

القصيده الحادية عشر

يامل قلب(ن) تقول يقلا على صيخ
خلت به الدنيا حـزازات ومشـوخ

دنيا تنوخ راعـي العقـل تنويـخ
وينداش فيها صاحي الفكر ويـدوخ

تغيـرو فيهـا العيـال المطانيـخ
وسبابها شمل العرب صار مشلوخ

خلتهـم الدنيـا مناشـف طبابيـخ
حتى الاقارب بينها الذيب مصلـوخ

ماعاش فيها الاأعيـال الطخاطيـخ
خطوا البعير اللي من المدح منفوخ

من شان ماله صار شيخ ولد شيخ
وامشيخٍ نفسه على النصب والجوخ

بالحكـي لعتـازوه ويـاك مريـخ
وليا جاء لزومٍ عندهم صاروا فروخ

القصيده الثانية عشر

آه من قلبي اللي دايـمٍ فـي ذهـول
والله انه ثقيـلٍ ليـن جـوه الثقـال

ياقطـاة العبيـه ياهـيـام الـذلـول
ياعيـون النـداوي يارقبـة الغـزال

نور وجهك على من شاف منك القبول
نور صبحٍ تبسم فـي رهـاد الجبـال

كني اقرا على طُـرّة جبينـك تقـول
انـا قلبـي يحبـك ياحبيبـي تعـال

كان قدمي حـدٍ فالحـب راح مهبـول
والله انـه خطيـرٍ لايجينـي هـبـال

المحبـه جملهـا مرسـلٍ ومعـقـول
نعنبو من يقـول ان المحبـه خبـال

والذي ليلة الاسراء عرج بالرسـول
ان حبك لحال وحـب غيـرك لحـال

القصيده الثالث عشر

نفوسنا في خشيم الذيب مجبـوره
والله نحـبـه محبتـنـا إلهـيـه

ومحاسنك ياخشيم الذيب مدثـوره
بين عليـك الشقاعقـب الرفاهيـه

أنا احسب أن الشقا مايخلف الصوره
لين أضمحلت ملامحـك الطبيعيـه

قنبه الذيب لين أنشـق حنجـوره
ثم حول الذيب منه وشرف أوخيـه

حتى فروعه وشعبانـه وشجـوره
ماعاد تعرف حيوده مـن قواطيـه

يوم إن محاجيه فيها تمرح سبوره
وشعابته من لباس العـز مكسيـه

في ظل طلح يرسن كـل مذعـوره
وعلى حجاه الثميـدي والفرنجيـه

متبوشن من عواجيـه ومنفـوره
حكامنـا قـدم حكـام السعـوديـه

حراس نجد الحديري عند أخو نوره
ونمرالسباياتقلطـهـا العواجـيـه

إخوان هيا ذرامن قـاد مظهـوره
من أم ريشان إلى عرق المنينيـه

وراعي الجنينه عليها بانين سوره
مذبح التـرك وشيـوخ الهلاليـه

شيخ تشيع رباط الخيـل بقصـوره
متروشنِ بالمجـوخ فـوق عليـه

في حكمه الناس منهيـه ومامـوره
حق الجنينه عليه حقوق شرعيـه

واليوم سالم ولد حامد لعـب دوره
عز الله ا إنه جمع هذيك مع ذيـه

على جميع المراجل طالت شبـوره
هيبه ولينـة جنـاب وقوشخصيـه

إن كان قصر رفيقه سامح قصوره
وان طاب قال الجماعه طيبهم ليـه

عزالله إنه عليه البيض منشـوره
يستاهل البيض كل مجـرب زيّـه

و اليوم الأوطان و الرعيان مكبوره
أهل الرعايا كفاهم راعـي رعيـه

ولاهي من ربعي الظفران مقصورة
سقم الأعـادي مزبنـة الجلاويـه

كسابت النعم لا جا للدخـن ثـوره
ورث لجدانهم مـا هيـب عاريـه

يفرح بها الشول لا ما لج مضهوره
وترعا الهمل في حماهم تقل مرعيه

القصيده الرابعة عشر

علموا اللـي كـل يـوم ٍ يقابلنـا بثـوب
مـا يخدرنـا كلامـه مـع مـن خـدّره

إن لقينا اللعب نزحف مـع جـو ٍ لعـوب
و ان هبطنا سوق طيـب ٍ خذينـا نـدّره

العرب ما هيـب تعلـم مسـدات الغيـوب
و وارد المـا مـا يدلّـه يكـود مصـدّره

و لا تجيك الحصبه إلا من فراش محصوب
وحبة الجدري تجي من ف،راش مجـدّره

و المحب اذنيه ماهيـب تسمـع للعيـوب
و العدو لا درهمـت بـه تجـي متحـدّره

دامت الأخلاق يملك بها الواحـد شعـوب
ياجب انها فـي جميـع الامـور مبـدّره

و ان لقيناها طويله و موخرهـا سحـوب
و المـرض فيهـا فحولـه تهيّـج فـدّره

ان قدرنا نقفل الباب مـن دون الهبـوب
ولاّ جـا درب لنـا و القنـي مـسـدّره

الأصايـل كـل يـوم تلافـح بالكـعـوب
و الـردي لا عيّـن اللـي يهينـه قـدّره

ولا تعرف حسابك إلا ليا صرت محسـوب
وشرهة القـادر علـى العالـم المتقـدره

فالمقابـل نفتـح لـه دواليـب القلـوب
و المقفـي قلعـة الـوادريـن تــودّره

القصيده الخامسة عشر

ياتـل قلبـي تلتيـن(ن )بنتلـه
كنه من الأضلاع ينتل بسلسـال

من وضعي اللي شايف فيه شتله
دنيا تخلي صاحي الفكـر يهتـال

أحد(ن) توريه السعد واضحكت له
وتخلي أزنـوده قويـات وعتـال

وأحد(ن) ليا منه مشى خطرشتله
مر (ن) يطيح ومر للحمل يشتال

يبغى يصافيها وهي مـا صفتلـه
لاكان وده يفعل الطيـب ماحتـال

وضعه يسوقه والليالـي أتختلـه
ويصير بين أثنين ناقض وفتـال

ياحمود شف للوضع والا التفتلـه
شرواك له فالطيب منهج ومبتـال

القصيده السادسه عشر

يا راع الوساع السود يا ناسع الخمري
علي الحرام إني على شوفتـك ضامـي

جمال الخصال اليوسفية يغلـب أمـري
عذاب ٍ على من حج لله و من ضامـي

يا راسي و يا صالب عظامي و ياعمري
يجيني بلا لا شفـت صورتـك قدامـي

أشوف الحياه اللي يغني لهـا القمـري
على حاجبيك السود في دمـك الشامـي

القصيدة السابعة عشر

حبكم ياصاحبي بـان منضوحـه
فـي جبينـك نيتـك علمتنيبـه

جاشك اللي بالغلا طافر(ن)فوحه
شفت كنك مسحل(ن)في مشاهيبه

عند من له غاية القلب مشروحه
المجامل شين والصده صعيبـه

لك بيبان السراجيـف مفتوحـه
كل يـوم اقـول يانـود هبيبـه

زلته يردهـا القلـب مدموحـه
دايـم حبـه يغطـي عذاريبـه

والنفوس طيور وشفوفهادوحـه
ماتفرق غير لاشاقـت الريبـه

القصيدة الثامنة عشر

ون أبن جـدلان مـن لايـعٍ لاعـه
كن فـي كبـدي دوافيـر صناعـي

ألعـب المنكـوس وأحـب روباعـه
مملٍ في الوقـت والوقـت خداعـي

مادريت أن ضحكة الوقـت خداعـه
شفت مدخالـي ولاشفـت مطلاعـي

لابغيت أسـج والا انبصـط ساعـه
دق قلبي من وراء حدب الأضلاعـي

كم من بين الضلـوع آلـة طباعـة
تشتغـل لانمـت وأقـوم مرتاعـي

هـم قلبـي مايـفـرق تجمَـاعـه
غير جر الصوت والنـاس هجاعـي

فاقدٍ لـي سلعـةٍ وأكبـر أبضاعـه
سلعـةٍ تشـراء ولاهيـب تنباعـي

رفقـة الطيـب ليـا غيـر أطباعـه
أشهد أنهـا كيـةٍ توجـع أوجاعـي

راكب إلي صممه صاحـب أصناعـه
جمس بيك أب من حديثات الأنواعي

الغريب الـي جديـدٍ مـن أنواعـه
حوض رفرف مايبي شد وشراعـي

لا أنس البنزيـن عجـلٍ تفرقاعـه
مخطرٍ من سرعتـه يقلـع أقلاعـي

لاتحرك شفت في القـاع مشلاعـه
والتواير تظهر الماء مـن القاعـي

ينعش القلـب الحزيـن أبتهملاعـه
لامشـا قـام يتهملـع تهمـلاعـي

لاوطى الأرض العتش كن تهزَاعـه
بنت شيخٍ طامحٍ مـن ولـد راعـي

في رجاء الغايـب تحَـرا لمرجاعـه
تنقـد العشـاق وتطـق الأصباعـي

نفسها من جملة النـاس منصاعـه
ماتبـي إلا واحـدٍ ذكـره أيشاعـي

ينحر اللي يأخـذ الطيـب بذراعـه
الصديق الصافي الصامـل الواعـي

الوفاء والطيـب ساسـه ومنباعـه
يوم بعض الطيب تقليـد وصناعـي

لاوصلتوا فأخبروني عـن أوضاعـه
وأخبروا راعي السمارا عن أوضاعي

أنشدو ويـش السبايـب بمهزاعـه
لاعلـي ناقـص ولا أبيـه فزَاعـي

ودَنـا نرضيـه ونحـاول أقنـاعـه
كان بن مهمل بعـد يسمـع الداعـي

كـان يبغـا حـق للحـق قطَـاعـه
نقعـة والحـق ماعنـه مجـزاعـي

وكان مبغضٍ في الرياجيـل بتَاعـه
لايجـي ناقـد ويلحقنـي أريـاعـي

لصَديـق نخلَـي النفـس خضَاعـه
مانـوريـه الجـفـا والتمطَـاعـي

الصداقـة عندنـا ذخـر وطماعـه
صحبـةٍ ماهيـب صحبـة تمتاعـي

حـد جدتهـا علـى البـرق لماعـه
وإن خذت يومين مفعولهـا ضاعـي

فإن تليمنـا علـى العـز والطاعـه
وأن تفرقنـا فجـوج الله أوساعـي

ما أطرد المقفي ليا صفـط أشراعـه
مخبـل اللـي للمقفـيـن تبَـاعـي

من يحط أذنـه علـى كـل سماعـه
جـاه فرقـاً مابعـدهـا تجمَـاعـي

والزباد أختـام هرجـي ومطلاعـه
يدفعه من ريحـة المسـك ذعذاعـي

القصيدة التاسعة عشر

بعد الامل تتعب دونه الناس ما وصلوه
حتى تجتمع في ساعة الحشر منحشره

وتلقا مبغضين الآدمي كثر من حبـوه
على وجه سابعة الاراضيـن منتشـره

والوجه المشبب كلمته مالهـا مسفـوه
والاقشر يواجه قشر الارصاد من قشره

والدنيا تمد الناس بالخيـر والمكـروه
في خيراتها شك وفي شرهـا خشـره

وسمات البخت لا شافوا النورما غطوه
واقوى رابطه في الزاد والملح والعشره

والي يجهل المشروه لا يلحق المشروه
رجـال تعـداه المشاريـه لا يـشـره

والالباب لا مر الكلام المفيـد اوحـوه
وتفصيل الخبر تكفي عنه موجز النشره

القصيدة العشرون

ودنـا بالطيـب بـس الـدهـر جـحـاد طـيـب
كـل مـا تخلـص مـع النـاس كنـك تغشـهـا

يـدك لامـدت وفــاء لاتـحـرى وش تجـيـب
كـان جاتـك سالمـه حــب يــدك وخشـهـا

كـل ماشبيـت نـار المحـبـه مــع حبـيـب
قــام يسـحـل فــي مشاهيبـهـا ويرشـهـا

وكل مـا واجهـت لـك فالزمـن وجـه غريـب
مـثـل مـاقـال المـثـل دام تمـشـي مشـهـا

وذمـةٍ ماهـيـب تـنـدار للـحـق المصـيـب
جعـل قشـاش الحـطـب لاســرح يقتشـهـا

يازين المشى فى الروض الخضر لاشعشع المخضار
يازين الديرة اللى مـن حقـوق الوسـم ممطـورة

يريح البال سج(ن) فى الفياض الخضر والمسيـار
سعادة للقلـوب اللـى مـع السلـوان مسـرورة

متى عينى تشوف اللى علـى قلبـى ربيـع ودار
اشاهـد للسعـادة فـى حيـاة المجتمـع صـورة

الاهلـت مـزون فوقهـن تنعومتـيـن صـغـار
على ذيك اللباب اللـى مـن الرضـوان مغمـورة

رياض نبتها يحمية مـن شمـس النهـار
ستـارتحـت فيـة طفافيـح الطفـل خوخـة وبنـدورة

واشاهـد لـى بـروق دونهـا ربانهـا تـنـدار
تقول اكباس غـاز(ن) مـن ورى شـلال نافـورة

سبح ماهر خيالى فـى الخبـاري والبـرد والنـار
واشوف الجمـر فوقـة دلـة الرسـلان منحـورة

هذاك المنظـر اللـى ماتشوفـة فالحيـاة امـرار
على شوفـة سبابيـح الخيـال تمـوت مقهـورة

حـرام انـى ماهنـى راعـى المليـون والدينـار
ولاهنـى عـرب سـات الفضـا دورة ومقـدورة

اعيش العالم وطـول المـدى يبقـى لهـا تذكـار
عليـة بالحـرام انهـا حيـاة مالـهـا جــورة

هذا وجة الصحيح ولاعلى وجـة الصحيـح غبـار
حقيقـة ويتمعنهـا اللبـيـب بكـامـل شـعـورة

القصيدة الحاديه والعشرون

عيد الله عليك يعود يالمستكا والعـود
هنيـك جعـل الله بشوفـك يهنينـي

عيدية ضمير حط فية الفـراق لهـود
أجامل على الأنظار والهـم طاوينـي

أجدد مع ذكراي عقب الغياب عهـود
وأناو الله اني داري ما انت ناسينـي

مواثيق خمس السنين ياناسع المردود
ويجيبها جزيل الشك من بينك وبيني

ولو كرهوا لحساد واهل القلوب السود
معزتك في قلبي وقدرك على عينـي

محبتك عندي كل ليـل ويـوم تـزود
تزيد وتجدد دام انـا وانـت حيينـي

ولو طولت فرقاك قلبي رعـاة الـدود
فخطر علي ادخل شهـار المجانينـي

القصيدة الثانيه والعشرون

زاومني الهاجوس ملعون أبو الأهـل
يقول البيوت العصم ايـاك و اياهـا

لا عيّنت كلمة قلت يضرب بها المثـل
لقينـا وراهـا كلمـة كنهـا إياهـا

ما تنجح مدارس فلسفة علم في جهل
و العربان ما كلٍ يقدر يكسب رضاها

يحاول قدر الإمكان يعني على الأقـل
يدخل في مفاهيم العرب يكسب اصغاها

القصيدة الثالثة والعشرون

يا كثر الاصحاب يوم اللعب والدشره
يوم الملاهـي تـدوّر مـن يلهيهـا

من اول شقتـي بالنـاس محتشـره
يوم العزوبيـة الـي كنـت مغليهـا

واليوم لا عاد لا خـوه ولا عشـره
الله ولا رفقـة هــذي تواليـهـا

ناس مع المصلحه عشره على عشره
وان حدك الوقت حدة لـك جنابيهـا

اللي حياته مـع البيلـوت والنشـره
واللي يحب الدشوش ولاهـيٍ فيهـا

واللي على الخط دايم فاغر الكشـره
سمّاعته طـول ليلـه مـا يوطّيهـا

واللي مزاجه مع القصات والبشـره
ماله هدف والنصايـح مـا يدانيهـا

واللي مع الناس لا يفقه ولا يشـره
شقراً مع الخيل لا هجّـت تباريهـا

ذي عيّنه في شباب اليـوم منتشـره
عسى الذي جابها من الارض يمحيها

اهل المصالح معرّفتهـم كماالقشـره
لا نظّف الراس بالصابـون ينهيهـا

هـذا كـلامٍ علينـا واجـب نشـره
وما تحرق الجمره الا رجل واطيهـا

القصيدة الرابعة والعشرون

كل دارأرجعـت وأنـا سنـاوي
عزتي للي سواتي عزتـي لـه

زادت الحمى فرحنـا للمـداوي
والمـداوي زود الحمـى مليلـه

ياجميله كن يطوي الحال طاوي
والله ان كبدي على شوفك عليله

والله ان قلبي على شوفك شفاوي
غير لا بيدي ولا بيديـك حيلـه

سجليني في بحر حبـك فـداوي
انا مجنونك بعـد مجنـون ليلـه

يارقبت الخشف ياعين النـداوي
ياسراجيف الذلـول المستحيلـه

يامناة تنقصـر عنهـا المنـاوي
ياخيار الدهـم يالقبـا الاصيلـه

لعن بوك انتي مكاسر عود جاوي
ملبسك سندس شرابك سلسبيلـه

لو تمرين الشيوخ اهل الفتـاوي
عودو مثلـي يجـرون الطويلـه

من هوا شـرواك والا لايهـاوي
التقيد من بعض الاشيـا فضيلـه

القصيدة الخامسه والعشرون

ألا يالهبوب البارده عجلي هبي

على جاش من قامت هواجيسه أتلوبه

أنا مرةٍ أصحى ومره يغيبي

وأسرح مع كثر الطواري بغيبوبه

ألا يادهر ماهوب حقٍ تلاعبي

وخليتني لمقرد الخلق لعبوبه

أعبادٍمغفلها الزمان وتعجبي

يحسبون قل المال فالرجل عذروبه

وأنا قانعٍ باللي علي كاتبه ربي

ومؤمن بمقدوره وقانعٍ بمكتوبه

ولا أبغى عماألرياء برايه يجربي

وهو ماعرف ماجوب ربي وماجوبه

هدور المجالس راعي المدح والسبي

وهو بالخلاء لو جاه بنتٍ خذت ثوبه

يقولون لي جز من تصرفك وتحبي

وهي توبتي من مجتمعهم هي التوبه

ديار الوباءمن طبها راح متوبي

وقرابة الجرباء على الحول مجروبه

أناعارفٍ منصاي ألامن بدا نبي

وعارف طريقي والذي بالتجه صوبه

وأنا أعرف من أعادي وأناأعرف من أحبي

وبه ناس لاتعرف ولاهيب محبوبه